اذكـر منـول يـوم انـا وانـت صافـيـن
يــوم الـغـلا مـقـسـوم بـيـنـي وبـيـنـك
مـن قبـل مـا تقـلـب عـلـي المـوازيـن
وانــا الــذي مـغـرم بشيـنـك وزيـنــك
هــذا مكـانـك داخــل القـلـب والعـيـن
وان كـان مـا صدقـت عطنـي يديـنـك
تـبـي تـأكـد حـطـهـا يـســار ويـمـيـن
واسمـع خفوقـي لا شهـق قـال ويـنـك
امــا كــذا تقـفـي وانــا ابـيـك يـازيـن
هـذي جريمـه ليـت مــن هــو يديـنـك
ياليـت لاهـل العشـق شـرع وقوانـيـن
ان كـان تسجـن مـا بقـى مـن سنينـك
لـكـنّ حـكـم العـشـق حـكـم المجانـيـن
والاضحـيـه كـيــف يـبـقـى سجـيـنـك
يعنـي كـذا مرضيـك حكمـك وبعـديـن
الــى مـتـى بـبـقـى حبـيـبـي رهـيـنـك
يازين خـف ربـك تـرى يلحقـك ديـن
لايـك تـروح اليـوم مـا اوفيـت ديـنـك
يازيـن انـا مبلـي بحـبـك مــن سنـيـن
مـتـى حنيـنـي يـرتـوي مــن حنـيـنـك
جـفــت ينابـيـعـك ومـاتــت بـسـاتـيـن
شف كيف خوخك مات وعروق تينك
سـاد الظـلام المملكـة عـقـب نـوريـن
اسمـك ورسمـك نـور وطـلـة جبيـنـك
لـكـن ابصـبـر وانـتـظـر والله يـعـيـن
مـالـك عــن المكـتـوب ربــي يعيـنـك
حـنــا وفـيـنـا مـيــر ويـــن الـوفـيـيـن
يسكنـك عينـه مـثـل مــا هــو بعيـنـك
يـاقـلـب والله لــــو تـقـطــع بـسـكـيـن
ان جــاك والا الـحـب لايـــه يهـيـنـك
